Tep pa mayor
Duna bo yu krítika positivo!!!!
Evitá di pone énfasis solamente riba loke a bai robes
- Lesa tur dia 15 minüt ku bo yu.
- Lesa parti di un buki
- Lesa un kuenta
Mayor, bo por lesa huntu ku e yu i tambe lesa pa e yu skucha.
Variashon ora ta lesa buki
Lesa un parti na bos haltu i despues laga e yu sigui lesa na bos haltu.
Meta: Stimulá lesamentu na bos haltu i desaroyá konfiansa propio.
Pidi bo yu pa skucha ku atenshon segun bo ta lesa. Lesa algun palabra
inkorekto i laga bo yu hasi korekshon.
Meta: Yuda amplia bo yu su vokabulario.
Kòmbersá ku bo yu tokante e tema i kon esaki ta den realidat
Meta: Aktualisá e informashon.
Laga bo yu traha un pintura, poesia, ets. tokante buki.
Meta: Krea amor pa buki i us’é di forma kreativo.